ქათმის ფახიტასი. მექსიკური კერძის რეცეპტი
სირთულე
საშუალო
დრო
40 წუთი
ულუფა
4
კალორია
215 კკალ.
ინგრედიენტები:
- 1 კგ ქათმის ფილე
- 8 ცალი ტორტილა ან 4 ცალი თხელი ლავაში
- 1 ცალი ყვითელი ბულგარული
- 1 ცალი წითელი ბულგარული
- 3 სუფრის კოვზი ზეითუნის ზეთი
- 1/2 ჩაის კოვზი დაფქული ჩილი
- მწიკვი წითელი დაფქული წიწაკა
- 1/2 ჩაის კოვზი შავი პილპილი
- 1 თავი ხახვი
- 1 სუფრის კოვზი ლიმნის წვენი
- 1 ჩაის კოვზი დაფქული ძირა
- 2-3 კბილი ნიორი
- მარილი გემოვნებით
მომზადება:
- გრძელ ნაჭრებად დაჭრილი ქათამი ცელოფნის პარკში (შესაკრავი თავით) მოათავსეთ.
- მეორე ასეთივე პარკში მოათავსეთ წვრილ ზოლებად დაჭრილი ხახვი და ბულგარული წიწაკა (წითელი, ყვითელი).
- ქილაში მოათავსეთ ზეითუნის ზეთი, ლიმნის წვენი, ჩილი, ძირა, წიწაკა, მარილი, პილპილი და ნიორი.
- თავსახური კარგად მოუჭირეთ და შეანჯღრიეთ.
- მიღებული ნაზავის 1/3 ნაწილი ქათმის ხორცს მოასხით, 1/3 ნაწილი ბოსტნეულს და ნარჩენილი მესამედი გადაინახეთ.
- პარკები კარგად შეკარით და მაცივარში ერთი ან ორი საათით მოათავსეთ.
- დამარინადებული ბოსტნეული პარკიდან ტაფაზე გადმოასხით და თუშეთ დარბილებამდე, დაახლოებით 5 წუთით.
- ბოსტნეული ტაფიდან თეფშზე გადაიტანეთ და ამავე ტაფაზე ქათმის ხორცი მოათავსეთ.
- როცა ქათამი შეიწვება, ბოსტნეული ტაფაში ჩააბრუნეთ და დაუმატეთ გადანახული მარინადის მესამედი.
- წამოადუღეთ და გამორთეთ.
- მივიტანოთ სუფრაზე ტორტილასთან ან თხელ ლავაშთან ერთად.
- გემრიელად მიირთვით.