ბერძნული სალათა. განსხვავებული რეცეპტი
სირთულე
მარტივი
დრო
20 წუთი
ულუფა
4
კალორია
100 კკალ.
ინგრედიენტები:
- 200 გრ ყველი „ფეტა“
- 1 ცალი წიწაკა ჩილი
- 1 სუფრის კოვზი ტიმიანი
- 1 კბილი ნიორი
- 1 ცალი კიტრი
- 2 ცალი ბულგარული წიწაკა
- 350 გრ პამიდორი ჩერი
- ნახევარი წითელი ხახვი
- 200 გრ ზეთის ხილი
- 1 სუფრის კოვზი ზეითუნის ზეთი
- 2 სუფრის კოვზი ღვინის ძმარი
- 0.5 სუფრის კოვზი ორეგანო
მომზადება:
- დაჭერით ყველი კუბიკებად. მოათავსეთ ცეცხლგამძლე ფორმაში.
- ნიორი დაჭლიტეთ ნიორსაჭყლეტში და მოაყარეთ ყველს.
- ასევე მოაყარეთ ყველს წვრილად დაჭრილი წიწაკა ჩილი და ტიმიანი.
- დაასხით ცოტაოდენი ზეთი და შედგით 200 გრადუსზე გახურებულ ღუმელში.
- 10 წუთის შემდეგ გამოიღეთ და აცადეთ გაცივება.
- გაჭერით კიტრი შუაზე და დაჭერით მსხვილ ნაჭრებად, ხახვი დაჭერით ალყა-ალყა.
- ბულგარული წიწაკა დავჭრათ კუბიკებად, უფრო ცოცხალი ფერი ექნება სალათს თუ სხვადას ფერ ბულგარულს გამოვიყენებთ.
- პამიდორი ჩერი გაჭერით შუაზე და გადაიტანეთ ბოსტნეული თეფშზე.
- მოაყარეთ ზემოდან ზეთის ხილი, გამომცხვარი ყველი, ორეგანო და მოასხით ძმარი.
- გემრიელად მიირთვით.